Չորեքշաբթի, 25 Մարտի 2015 19:40
ՎՏԲ-Հայաստան Բանկի հիփոթեքային պորտֆելը 2015 թվականին կաճի 10-20%
ԱրմԻնֆո. ՎՏԲ-Հայաստան Բանկի հիփոթեքային պորտֆելը 2015 թվականին կաճի 10-20% կամ մոտ 3 մլրդ.դրամով: Այս մասին այսօր կայացած մամուլի ասուլիսում հայտարարել է ՎՏԲ-Հայաստան Բանկի մանրածախ բիզնեսի զարգացման դեպարտամենտի ղեկավար Արտակ Խաչատրյանը, պատասխանելով ԱրմԻնֆո գործակալության հարցին:
Նրա խոսքով, աճն ակնկալվում է հիփոթեքային վարկերի բոլոր տեսակներով` վերանորոգում, բնակարանի ձեռքբերում նորակառույցներում, բնակարանային շինարարույթուն: «ՎՏԲ-Հայաստան Բանկն արդեն մասնակցում է ՀՀ կառավարության ծրագրին որի շրջանակում կառավարությունը հիպոթեքային վարկ ունեցող անձանց փոխհատուցում է վճարված եկամտային հարկի գումարները: Կառավարության այդ որոշման արդյունքում մենք ակնկալում ենք հիփոթեքային պորտֆելի 10-20% աճ, ինչպես ՎՏԲ-Հայաստան Բանկում, այնպես էլ Հայաստանի բանկային համակարգում: Բայց դրանք առայժմ ընդամենը փորձագիտական գնահատականներ են»,-նշել է Ա.Խաչատրյանը:
ՎՏԲ-Հայաստան Բանկի գլխավոր տնօրեն-Տնօրինության նախագահ Յուրի Գուսևն էլ իր հերթին է նշել, որ օրենսդրական այդ որոշումը պետք է ոչ միայն դրական ազդեցություն ունենա երկրի բանկային համակարգում, այլ նաև լրացուցիչ դրամական հոսքեր ապահովի հայկական շինարարական ընկերություններին:
Նշենք, որ 2015 թվականի հունվարի 1-ից Հայաստանում ուժի մեջ մտավ «Եկամտահարկի մասին» օրենքի փոփոխոթյունները, որի համաձայն, բնակարանների ձեռքբերման կամ անհատական բնակելի տների կառուցման համար ստացված հիփոթեքային վարկերի սպասարկման տոկոսները վճարվում են պետության կողմից՝ դրանով իսկ նվազեցնելով վարկառու անձանց ֆինանսական բեռը: Որոշումը տարածվում է 2014 թվականի հունվարի 1-ից հետո վերցված հիփոթեքային վարկերի վրա, եթե բնակարանը ձեռք է բերվում նորակառույցում: Նշված արտոնոթյուններից կարող են օգտվել այն անձինք, ովքեր հանդիսանում են վարձու աշխատողներ, ահատ ձեռներեցներ, կամ նոտարներ, եթե օրենսդրության համաձայն նրանց մասով վճարվբել է եկամտահարկ: Ըստ օրինագծի, վճարված եկամտային հարկի գումարներից բնակարանի ձեռքբերման նպատակով ստացված հիփոթեքային վարկի սպասարկման համար վճարվող տոկոսները վերադարձվում են, սակայն ոչ ավելի, քան`համապատասխան եռամսյակի ընթացքում տվյալ վարձու աշխատողին վճարվող աշխատավարձից և դրան հավասարեցված վճարումներից հաշվարկված եկամտային հարկի գումարը, համապատասխան հաշվետու տարվա ընթացքում անհատ ձեռնարկատիրոջ կամ նոտարի կողմից հաշվարկված եկամտային հարկի գումարը: Ի դեպ, վարձու աշխատողներին գումարը ենթակա է վերադարձման եռամսյակային, իսկ անհատ ձեռնարկատերերին և նոտարներին` տարեկան պարբերականությամբ: Նախատեսված է, որ եկամտային հարկը վերադարձվելու է աշխատավարձից վճարված եկամտային հարկի ողջ գումարի չափով, և վերադարձվող գումարի չափի մասով որևէ սահամանափակում չի լինելու: Չնայած օրենքն ուժի մեջ է մտնելու պաշտոնական հրապարակմանը հաջորդող օրը, այդուհանդերձ վճարված եկամտային հարկը հիփոթեքային վարկի սպասարկման տոկոսների չափով հետ վերադարձնելու հնարավորությունը տարածվելու է 2014 թ-ի նոյեմբերի 1-ից հետո ստացված հիփոթեքային վարկերի վրա:
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, ՎՏԲ-Հայաստան Բանկը շուկայում զբաղեցնում է երկրորդ տեղը հիփոթեքային պորտֆելով, որը 2014 թվականի ավարտին կազմել է 17.5 մլրդ դրամ, տարեկան աճը`12,3%: Բանկի մասնաբաժինը երկրի հիփոթեքային շուկայում 20144-ին կաազմել է ավելի քան 10%: Բանկի ակտիվները տարեվերջին նախորդ տարվա համեմատ աճել են 25.6%, մինչև 379,6 մլրդ դրամ (երկրորդ տեղ), իսկ ընդհանուր կապիտալն աճել է 20.2%, մինչև 44.8 մլրդ դրամ (չորրորդ տեղ), կանոնադրական կապիտալն աճել է 50.3 %, մինչև 20.9 մլրդ.դրամ (չորրորդ տեղ): Բանկի վարկային ընդհանուր ներդրումները տարեկան կտրվածքով աճել են 17,3%, մինչև 266,7 մլրդ.դրամ (երկրորդ տեղ), իսկ ընդհանուր պարտավորությունները`26.3%, մինչև 334,9 մլրդ.դրամ (երկրորդ տեղ): Հայաստանի բանկային համակարգի ընդհանուր հիփոթեքային պորտֆելը 2014 թվականին կազմել է 173.7 մլրդ դրամ կամ ընդհանուր վարկային ներդրումների 7.6% -ը, տարեկան աճը` 22%:
Նշենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: -կ-
Եկամտային հարկի գումարը հետ վերադարձվելու եռամսյակային պարբերականությունն, ըստ ֆինանսների նախարարության, եկամտային հարկի գումարների հետ վերադարձի ընթացակարգը պարզեցնելու և առավել քիչ ծախսատար դարձնելու նպատակով է արվել:
«Պետք է նկատել սակայն, որ հետագա եռամսյակներին նրանց համար ստեղծվում է առավել նախընտրելի վիճակ, քանի որ հաջորդ եռամսյակի առաջին ամսում, օրինակ, վճարելով մեկ ամսվա եկամտային հարկը, քաղաքացին հնարավորություն ունի հետ ստանալ նախորդ երեք ամիսների ընթացքում բանկին վճարված հիփոթեքային վարկի տոկոսները»,- ավելացնում է Միրումյանը:
Եթե որոշել եք հիփոթեքային վարկով բնակարան գնել ու ձեր աշխատավարձից փոխանցված եկամտային հարկի միջոցով թեթևացնել տոկոսների բեռը, ապա իմացեք, որ այդ բնակարանը պետք է լինի նորակառույց շենքում: Ըստ ֆինանսների նախարարության, քանի որ նպատակներից մեկը տնտեսության շինարարական ոլորտի ակտիվացումն է, ուստի «եկամտային հարկի գումարի վերադարձն իրականացվելու է միայն նոր կառուցվող շենքերի բնակարանների և նոր կառուցվող անհատական բնակելի տների մասով»:
Հստակ վիճակագրություն չկա ու հայտնի չէ, թե Հայաստանում ավելի շատ նորակառույց, թե հին շենքերում են հիփոթեքով բնակարան ձեռք բերում: Սակայն տարբեր կառույցներից ստացված տեղեկությունները համադրելով՝ ստացանք հետևյալ պատկերը. հիփոթեքային վարկով անշարժ գույքի գնումների քանակը 2014-ին 2011-ի համեմատ նվազել է: Այսպես, 2011 թվականին անշարժ գույքի հիփոթեքային վարկավորմամբ ձեռք է բերվել 2165 բնակարան, իսկ այս տարվա հունվար-հոկտեմբեր ամիսներին՝ 1551:
«Եկամտային հարկի մասին» օրենքում փոփոխությունները նախագահի կողմից վավերացվելուց հետո ուժի մեջ կմտնեն 2015 թ-ի հունվարի 1-ից:
Փորձագետ. Երբ վստահություն չկա մասնավոր և պետական հատվածների միջև, ցավոք, ճիշտ լուծումների մասին խոսելու հարկ էլ չկա
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին