Ուրբաթ, 3 Ապրիլի 2015 17:40
Արդշինբանկը և OFID- ը 10 մլն դոլարի պայմանագիր ստորագրեցին, շինարարության և փոքր ՀԷԿ-երի շահագործման ոլորտի ՓՄՁ-ների նախագծերը վարկավորելու նպատակով
ԱրմԻնֆո. 2015 թվականի մարտի 31-ին Արդշինբանկի և OPEC-ի միջազգային զարգացման հիմնադրամի (OFID) միջև Վիեննայում տեղի ունեցավ 10 մլն ԱՄՆ դոլարի վարկային պայմանագրի ստորագրում: OFID-ի կողմից պայմանագիրը ստորագրեց գլխավոր տնօրեն Սուլեյման Յասիր Ալ-Հերբիշը, Արդշինբանկի կողմից՝ վարչության նախագահ Մհեր Գրիգորյանը: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, վարկային միջոցները կուղղվեն փոքր և միջին ձեռնարկությունների կողմից փոքր հիդրոէլեկտրակայանների կառուցման և շահագործման ոլորտում իրականացվող նախագծերի ֆինանսավորմանը: Կողմերը սերտորեն համագործակցում են սկսած 2010 թվականից, և սույն պայմանագրի ստորագրմամբ համագործակցության ծավալը կկազմի 20 մլն ԱՄՆ դոլար:
OFID-ի գլխամասային գրասենյակում տեղի ունեցած պայմանագրի ստորագրման արարողության ընթացքում Մ.Գրիգորյանն ընդգծեց Հայաստանի տնտեսության համար հիդրոէներգետիկայի և ընդհանուր առմամբ էներգիայի արտադրության զարգացման ռազմավարական կարևորությունը. «Ես բարձր եմ գնահատում այն փաստը, որ OFID-ի կողմից տրամադրված միջոցները կնպաստեն Հայաստանի էներգետիկ ոլորտի զարգացմանն, ի շնորհիվ փոքր և միջին ձեռնարկությունների համար երկարաժամկետ ֆինանսական միջոցների հասանելիության ընդլայնման: Սույն պայմանագրի ստորագրումը հանդիսանում է OFID-ի և Արդշինբանկի միջև համագործակցության սերտացման լավ ցուցանիշ, որն, անշուշտ, կունենա ամրապնդման և ընդլայնման միտումե,-նշել է նա:
Սուլեյման Յասիր Ալ-Հերբիշն էլ իր հերթին խորին գոհունակություն հայտնեց Հայաստանի տնտեսության և էներգետիկ ոլորտի զարգացմանն աջակցելու հերթական հնարավորության առնչությամբ. «Հայաստան իմ այցելությունների ընթացքում ես համոզվեցի Հայաստանի համար էներգետիկ ոլորտի կարևորության մեջ: Ես շատ ուրախ եմ, որ մեզ հերթական հնարավորությունն ընձեռվեց վերականգնվող էներգիայի` մասնավորապես փոքր հիդրոէլեկտրակայանների նախագծերի, ոլորտում մեր գործունեությունն ընդլայնելու համարե,-հայտարարել է նա:
Նշենք, որ OFID-ը (OPEC Fund for International Development) միջազգային զարգացման հիմնադրամ է: Այն կազմավորվել է 1976թ.-ին OPEC-ի անդամ երկրների կողմից, որի հիմնական նպատակն է խթանել տնտեսական և սոցիալական առաջընթացը և ֆինանսական աջակցություն ցուցաբերել զարգացող երկրներին:
Հիշեցնենք, որ Արդշինբանկը հիմնադրվել է 2002 թվականին: Բանկը հանդիսանում է Հայաստանի խոշորագույն բանկերից մեկը և ունի լայն մասնաճյուղային ցանց (55 մասնաճյուղ), ինչպես նաև ՓՄՁ հաճախորդների կայուն բազա: ՓՄՁ ոլորտի վարկավորման ծավալներով բանկը գտնվում է առաջատարների տասնյակում, 2015 թվականի հունվարի 1-ի դրությամբ կազմելով մոտ 40 մլրդ.դրամ, տարեկան 26% աճով: Բանկի վարկային ընդհանուր պորտֆելում ՓՄՁ մասնաբաժինը կազմում է 20%: Ընդհանուր կապիտալի չափերով բանկը գտնվում է 2-րդ տեղում – 47,4 մլրդ.դրամ (99.8 մլն դոլար, տարեկան աճը`7.4%), ակտիվների չափերով` 3-րդ տեղում - 369,1 մլրդ դրամ (777.1 մլն դոլար, տարեկան աճը`37%), վարկային ներդրումների չափերով` 3-րդ տեղում – 248 մլրդ դրամ (522 մլն դոլար, տարեկան աճը`38,5%): 2014 թվականն Արդշինբանկը եզրափակել է 4,2 մլրդ դրամ ($ 8.8 մլն) զուտ շահույթով, այդ ցուցանիշով զբաղեցնելով չորրորդ հորիզոնականը: Բանկի մեծամասնական բաժնետերն է «Բիզնես ներդրումների կենտրոնե ընկերությունը`97,52% բաժնեմասով:
Փորձագետ. Երբ վստահություն չկա մասնավոր և պետական հատվածների միջև, ցավոք, ճիշտ լուծումների մասին խոսելու հարկ էլ չկա
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին