Արմինֆո. ՓՄՁ ոլորտը Հայաստանի ողջ տնտեսության լոկոմոտիվն է, ԱրմԻնֆո-ի թղթակցին հայտարարել է ՎԶԵԲ ՓՄՁ ֆինանսավորման և զարգացման խորհրդատվական խմբի տարածաշրջանային ղեկավար Ջեֆ Ֆերին` սեպտեմբերի 26-ին մեկնարկած երկօրյա վարժանքների ժամանակ, որոնք նվիրված են «ՓՄՁ ֆինանսները» թեմային:
Ֆերիի ասելով, հենց այդ սկզբունքի վրա է հիմնված Հայաստանի ՓՄՁ-ին ՎԶԵԲ խորհրդատվական աջակցության ծրագիրը, որը նպատակաուղղված է ընկերությունների ֆինանսական կառավարման զարգացմանն ու հաշվապահական հաշվառման կատարելագործմանը: Փորձագետը կարծում է, որ ընկերության ֆինանսական կառավարման զարգացումը ՓՄՁ-ին թույլ է տալիս ավելի շահավետ դիրք զբաղեցնել իր հետագա ընդլայնման տեսանկյունից, ինչը ենթադրում է պարտատոմսերի, արժեթղթերի հնարավոր թողարկում, որը պակաս կարևոր չէ լրացուցիչ ֆինանսական միջոցներ ներգրավելու համատեքստում: Նրա ասելով, ծրագրի դրական կողմն այն է, որ սինխրոն աշխատելով ՎԶԵԲ բանկիրների թիմի հետ, ֆինանսական կառավարման ոլորտի բարեփոխումների իրագորիծումից հետո ֆինանսական միջոցների մատչելիության թիմը Հայաստանի ՓՄՁ-ին աջակցում է միջոցների ներգրավման և ֆինանսական մատչելիության բարձրացման հարցում:
Ինչպես նշել է Ֆերին, ՎԶԵԲ խորհրդատվական խմբի գերծունեության և ծրագրի շահառուների հնարավոր շրջանակի վերաբերյալ տեղեկատվություն կարելի է գտնել կազմակերպության վեբկայքում: Ինչպես հայտարարել է խորհրդատվական խմբի ներկայացուցիչը, ծրագրից օգտվել կարղ են ՓՄՁ այն ներկայացուցիչները, որոնք արդեն ունեն որոշակի փորձ և պատմություն: «Մենք աջակցում ենք Հայաստանի ընկերություններին և այն ընկերություններին, որոնց հիմնական բաժնետերերը հայ են, քանի որ ծրագրի նպատակը հենց տեղի ընկերություններին աջակցելն է», - ամփոփել է խմբի ղեկավարը:
Ինչպես միջոցառման մեկնարկին հայտարարել է Հայաստանում ՎԶԵԲ ՓՄՁ ֆինանսավորման և զարգացման խորհրդատվական խմբի ազգային ծրագրի ղեկավար Տիգրան Աղաբեկյանը, 2003 թվականից ի վեր երկրի փոքր և միջին ձեռներեցությանը խորհրդատվական աջակցություն է տրամադրվել բիզնեսի կառավարման, մարքետինգի, ֆինանսների և հաշվապահության, ինժեներային հետազոտությունների ոլորտի 1200 նախագծերի շրջանակում, որոնց իրագործմանն ուղղորդվել է շուրջ 9 մլն եվրո: Այդ աջակցության արդյունքում նրանք ստացել են շուրջ 133 մլն եվրո: Ինչպես նշել է Աղաբեկյանը, 94% դպեքերում ծրագրի իրագործումը եղել է արդյունավետ, ձեռնարկությունների 70%-ում արձանագրվել է շրջանառության ծավալների միջին հաշվով 8% աճ, տնտեսավարող սուբյեկտների 65%-ում 8%-ով ավելացել է աշխատատեղերի թիվը, իսկ 31%-ում ավելացել է շրջանառությունը:
Հիշեցնենք, որ հոկտեմբերի 24-ին Հայաստանն ու ԵՄ հայտարարել են "EU4Business" շաբաթի մեկնրակի մասին: "EU4Business" կընթանա հոկտեմբերի 24-28 –ը և նպատակաուղղված կլինի փոքր և միջին ձեռնարկություններին ԵՄ աջակցության միջոցների մասին իրազեկման մակաարդակի բարձացմանը: EU4Business նախաձեռնությունը համագործակցում է Տնտեսական համագործակցության և զարգացման կազմակերպության, ՎԶԵԲ, և Կրթության եվրոպական հիմնադրամի հետ: Նաև նշենք, որ վերջին տվյալներով, Հայաստանում գործում է շուրջ 70 հազար ՓՄՁ ձեռնարկություն: Ընդ որում 2015 թվականի արդյունքներով ՓՄՁ բաժինը կազմել է Հայաստանի պետբյուջեի եկամուտների 2,4%:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին