Արմինֆո. Հայաստանի և Ռուսաստանի միջև առևտրի շրջանառության տարեկան դինամիկան 2016 թվականի հունվար-հոկտեմբերին կազմել է 13.4%, նախորդ տարվա բացասական 14,8%-ի փոխարեն, մինչև $ 1,077 մլրդ: Ռուսաստանն առաջատարն է ոչ միայն այդ ցուցանիշով, այլ նաև արտահանման և ներմուծման ծավալներով, որոնք համապատասխանաբար կազմել են` $ 295,1 մլն և $ 781,7 մլն, տարեկան դինամիկայի կտրուկ բարելավումով` առաջինը - 29.4% անկումից մինչև 52.8% աճ, իսկ երկրորդը - 10.7% անկումից մինչև 3.3% աճ:
Ըստ ՀՀ Ազգային վիճակագրական ծառայության տվյալների, Հայաստանում արտաքին առևտրի շրջանառության ծավալներում երկրորդ և երրորդ դիրքերն զբաղեցնում են Չինաստանը և Գերմանիան, որոնք, ի տարբերություն Ռուսաստանի, դեռևս գտնվում է բացասական տրենդում: Մասնավորապես, առևտրի շրջանառությունը Հայաստանի և Չինաստանի միջև կազմել է $ 363,5 մլն, դանդաղելով տարեկան անկումը մինչև 9,1%, նախորդ տարվա 16% փոխարեն, իսկ Գերմանիայի հետ - $ 259 մլն է դանդաղելով տարեկան անկումը մինչև 7,4%, անցյալ տարվա 22.7% փոխարեն: Այսպես, հայկական ապրանքների արտահանման ծավալը դեպի Չինաստան նվազել է 45.1% (նախորդ տարվա աճը`9,9%), մինչև $ 79,6 մլն, իսկ ներմուծումն աճել է 11,4% (նախորդ տարվա անկումը` 25.9%), մինչև $ 283,9 մլն (երկրորդ տեղ): Արտահանումը դեպի Գերմանիա նվազել է 6.4% (նախորդ տարվա անկումը`8.1%), մինչև $ 109.3 մլն, իսկ ներմուծումը նվազել են 8% (նախորդ տարվա անկումը`30,9%), մինչև $ 149,7 մլն (երրորդ տեղ):
Հայաստանի արտաքին առևտրի շրջանառության ծավալներում չորրորդ և հինգերորդ հորիզոնականներում են Վրաստանը և Իրանը, համապատասխանաբար կազմելով`$ 206,9 մլն և $ 198,9 մլն, առաջինի տարեկան աճը`32.1%, իսկ երկրորդի անկումը`14%: Մասնավորապես, արտահանման ծավալը դեպի Վրաստան կազմել է $ 122.7 մլն, իսկ ներմուծումը` 84.2 մլն (տարեկան աճը`22,8-48,7%), իսկ դեպի Իրան`համապատասխանաբար 65 մլն և $ 133,9 մլն (տարեկան անկումը`3,8- 18.2%):
Ըստ արտահանման ծավալի, հունվար-հոկտեմբերին Ռուսաստանւց հետո երկրորդ և երրորդ հորիզոնականները համապատասխանաբար զբաղեցրել Բուլղարիան ($ 125,2 միլիոն, տարեկան աճը`2 անգամ) և Վրաստանը, և ներմուծման ծավալներով Ռուսաստանին հաջորդում են Չինաստանը և Գերմանիան:
2016 թվականի հունվար-հոկտեմբերին հայկական ապրանքների հիմնական գնորդներն են եղել`Ռուսաստանը - ընդհանուր արտահանման 20.3%-ը, Բուլղարիան - 8.6%, Վրաստանը - 8.4%, Իրաքը - 8.1%, Կանադան - 7.9% Գերմանիան - 7.5%, Չինաստանը - 5,5% և Իրանը - 4.5%: Հիմնական մատակարարներն են եղել Ռուսաստանը - ընդհանուր ներմուծման 28.9%-ը, Չինաստանը - 9.7%, Իրանը և Գերմանիան - 6,2%, Իտալիան - 4.5%, Թուրքիան - 4.2%, Ուկրաինան - 3.9%, ԱՄՆ - 3.4%, Վրաստանը և Բրազիլիան - 2,2% և Ֆրանսիան - 2.1%: Ամենից շատ կրճատվել է ներմուծումն Իրաքից - 92.7%, իսկ արտահանման գծով ամենամեծ անկումն արձանագրել են Ճապոնիան և Իսպանիան`91,2-92,9%:
Հայաստանի արտահանման ծավալներում գերակշռող տարեկան աճ է արձանագրվել պատրաստի սննդի ապրանքների գծով - 28,3%, մինչև $ 329,5 մլն, թանկարժեք և կիսաթանկարժեք քարերի և ապրանքների գծով - 84.9%, մինչև $ 287,7 մլն, տեքստիլ արտադրանքի գծով - 39.4%, մինչև $ 78.1 միլիոն, բուսական ծագմամբ արտադրանքի գծով -77.5%, մինչև $ 59.4 մլն, անկումը`7,4%, ոչ թանկարժեք մետաղների և արտադրանքի գծով - մինչև $ 177 մլն, ինչպես նաև օգտակար հանածոների գծով` 3.6%, մինչև $ 386,2 մլն:
Իսկ ներմուծման գծով հիմնական հոդվածներից անկում է արձանագրվել հանքահումքային ապրանքների գծով - 9,6%, մինչև $ 463,2 մլն, տրանսպորտային միջոցների գծով - 19.5%, մինչև $ 126,8 մլն, ոչ թանկարժեք մետաղների և դրանց արտադրանքների գծով - 17.6%, մինչև $ 176,3 մլն , իսկ ներմուծումն գերիշխող մյուս հոդվածներն աճել են` քիմիական արտադրություն - 9,7%, մինչև $ 269,7 մլն, մեքենաներ / սարքավորումներ / տեղխիկա - 12.1%, մինչև $ 366,7 մլն, պատրաստի սննդամթերք - 8,5%, մինչև $ 274,7 մլն. տեքստիլ արտադրանք - 29.5%, մինչև $ 183,2 մլն, թանկարժեք մետաղներ և ապրանքներ - 39.5%, մինչև $ 125,7 մլն:
Ընդհանուր առմամբ, Հայստանի արտաքին առևտրի շրջանառությունը հունվար-հոկտեմբերին աճել է 6,1%, կազմելով 1952.3 մլրդ. դրամ ($ 4,067 մլրդ): Այդ դեպի վեր տրենդն ապահովվել է արտահանման 19.8% աճի հաշվին, մինչև 697.8 մլրդ դրամ ($ 1453,7 մլն ), իսկ ներմուծումը նվազել է 0,3%, մինչև 1254.5 մլրդ. դրամ ($ 2613,3 մլն): Արտահանման դինամիկայի կտրուկ բարելավումը հունվար-հոկտեմբերին արտաքին առևտրի սալդոն կրճատել է 22.3%, մինչև 556.7 մլրդ դրամ ($ 1159,6 մլն): Տնտեսական ակտիվությունը Հայաստանում 2016 թվականի հունվար-հոկտեմբերին տարեկան աճը կազմել է 0.4%:
Հիշեցնենք, որ մեկ տարի առաջ, 2015-ի հունվար-հոկտեմբերին Հայաստանի արտաքին առևտրի շրջանառությունը նվազել էր 20,4%, քանի որ ներմուծումը կրճատվել էր 26.6%, իսկ արտահանումը`2.2%: Մինչ այդ, 2014-ի հունվար-հոկտեմբերին Հայաստանի արտաքին առևտրի շրջանառությունն աճել էր 3.6%, ըն դ որում արտահանման աճը կազմել էր 2.9%, իսկ ներմուծման աճը`3.8%: Այդ ժամանակահատվածում, տնտեսական ակտիվությունն աճել էր 4.2%:
ՀՀ դրամի միջին հաշվարկային փոխարժեքը 2016 թվականի հունվար-հոկտեմբերին կազմել է 480.45 դրամ / $ 1, 2015-ի հունվար-հոկտեմբերի 477.19 դրամ / $ 1 – ի և 2014-ի հունվար-հոկտեմբերի 410.70 դրամ / $ 1 – ի համեմատ.