Երեթշաբթի, 1 Օգոստոսի 2017 12:01

Արմինֆո. Մանրածախ ապահովագրական պրեմիաների մասնաբաժինը Հայաստանի ապահովագրողների պորտֆելներում 2017 թվականի I կիսամյակում կազմել է 54.6% (9.3 մլրդ դրամ), իսկ կորպորատիվի մասնաբաժինը`45,4% (7,7 մլրդ դրամ):

Միևնույն ժամանակ, մանրածախ ապահովագրական շուկայի ծավալը մինուս 3.9%-ից աճել է մինչև 2.7%, իսկ կորպորատիվի մասնաբաժինը` 7.3% -ից մինչև 8.5%: Մինչև ԱՊՊԱ և բյուջետային աշխատողների պարտադիր բժշկական ապահովագրության ներդրումը զգալիորեն գերակշռում էր կորպորատիվի մասնաբաժինը:

 

Ըստ ԱրմԻնֆո գործակալության`Հայաստանի ապահովագրական ընկերությունների Ռենկինգի, 2017 թվականի հուլիսի 1-ի դրությամբ, բոլոր ապահովագրողների ապահովագրական պորտֆելներում գերիշխում է մանրածախի մասնաբաժինը, բացառությամբ ԻՆԳՈ Արմենիայի, որտեղ կորպորատիվ ապահովագրության մասնաբաժինը կազմել է 54.4%: Մանրածախ և կորպորատիվ ապահովագրության պորտֆելների միջև ամենամեծ տարբերությունն արձանագրվել է երեք ընկերությունների մոտ`«Ռեսո» (74.2% և 25,8%), «Արմենիա Ինշուրանս» (66,9% և 33,1%) և «Նաիրի Ինշուրանս» (61.9% և 38.1%): «Ռոսգոսստրախ Արմենիա» ընկերությունում այն համապատասխանաբար կազմել է`51.1% և 48,9%, «Սիլ Ինշուրանս»-ի մոտ`51.7% և 48.3%:

 

Ապահովագրական հատուցումների ծավալներում մանրածախ հաճախորդների մասնաբաժինը կազմել է 70.5% կամ 5.6 մլրդ դրամ, կորպորատիվ հաճախորդների մասնաբաժինը`29,5% կամ 2,4 մլրդ դրամ: Ընդ որում, հատուցումները իրավաբանական անձանց տարեկան կտրավծքով դանդաղեցրել են աճը` 37.9% -ից մինչև 7%, իսկ ֆիզիկական անձանց հատվածքում` մինուս 2,3%-ից մինչև 23%:

 

Վերակառուցմանն ուղղված ապահովագրական պրեմիաների կառուցվածքում կորպորատիվի մասնաբաժինը կազմել է 93,4% կամ 1,8 մլրդ դրամ (տարեկան աճի արագացումը`4.4%-ից մինչև 34%), մանրածախի մասնաբաժինը`6.6%, կամ 128,9 մլն դրամ (մինուս 6.4%-ից մինչև 13% աճ):

 

Հայաստանի ապահովագրողները 2017-ի II եռամսյակում կնքել են 252,711 ապահովագրության պայմանագիր,տարեկան աճը`3.4%: Հետևաբար, 2017 թվականի հուլիսի 1-ի դրությամբ գործող ապահովագրական պայմանագրերի թիվը կազմել է 662,880, տարեկան աճը`3,7%: Ապահովագրական դասերի մեջ կնքված պայմանագրերի թվով  առաջատարն է ԱՊՊԱ հատվածը, II եռամսյակում կնքելով ավելի քան 181 հազար պայմանագիր, որի գծով գործող պայմանագրերի թիվը հուլիսի 1-ի դրությամբ կազմել է ավելի քան 448 հազար: Իսկ կամավոր ապահովագրության տեսակներից առավել տարածված է դժբախտ պատահարներից ապահովագրությունը, որի գծով երկրորդ եռամսյակում կնքվել է 33.9 հազար պայմանագիր, իսկ գործող պայմանագրերի թիվը հուլիսի 1-ին կազմել է` 127.1 հազար: Կնքվեծ պայմանագրերի թվով ԱՊՊԱ հատվածում առաջատարն է «Ռոսգոսստրախ Արմենիան» (120,4 հազար գործող պայմանագիր, այդ թվում 43.6 հազարը կնքված երկրորդ եռամսյակում), դժբախտ պատահարից և ԿԱՍԿՈ ապահովագրությունների հատվածներում առաջատարն է «ՌԵՍՈ» ընկերությունը (89,6 հազար, և 3.9 հազ.), գույքի ապահովագրության գծով առաջատարն է «ԻՆԳՈ Արմենիան» (15.4 հազ. ակտիվ), բժշկական ապահովագրության գծով առաջատարն է «Սիլ Ինշուրանս» ընկերությունը (5.5 հազար ակտիվ), և արտասահման մեկնողների ապահովագրության գծով առաջատարն է «Ռոսգոսստրախ Արմենիան» (5.1 հազար ակտիվ):

 

Երկրորդ եռամսյակում կնքված ապահովագրական պայմանագրերի գծով առաջատարն է «Ռոսգոսստրախ Արմենիան» - 60.4 հազար պայմանագիր, որին հաջորդում են`Ռեսո - 56,7 հազար, ԻՆԳՈ Արմենիա - 49.8 հազար, Նաիրի Ինշուրանս - 39.1 հազար, ՍԻԼ Ինշուրանս - 24.5 հազար և Արմենիա Ինշուրանս - 22,2 հազար պայմանագիր: Բոլոր վեց ընկերություններում գերիշխոում է ԱՊՊԱ-ն, ընդ որում, առավելագույնը`Սիլ Ինշուրանսում (88%), իսկ նվազագույնը` ՌԵՍՈ ընկերությունում (50%):

 

Նշենք, որ Հայաստանի ապահովագրական շուկայում ներկայումս գործում է 6 ընկերություն, որոնք աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՈ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ), որին լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում): (ՀՀ դրամի միջին հաշվարկային փոխարժեքը 30.06.2017 թ. կազմել է 480.47 դրամ/դոլար):-