Արմինֆո.Գնանկումը Հայաստանի սպառողական շուկայում 2017 թվականի հունվար-օգոստոսին կազմել է 1,8%, ինչն ուղեկցվել է դոլարի նկատմամբ դրամի 0,9% արժևորումով, իսկ մեկ տարի առաջ սպառողական գները նվազել էին 3,8%, իսկ դրամը դոլարի նկատմամբ ամրապնդվել էր 1.5%: Ինչպես ԱրմԻնֆո-ին տեղեկացվել է ՀՀ Ազգային վիճակագրական ծառայությունից, այս տարվա օգոստոսին, նախորդ տարվա օգոստոսի համեմատ, 0.9% գնաճն ուղեկցվել էր դոլարի նկատմամբ դրամի 0.7% արժեզրկումով:
Միայն 2017 թ. օգոստոսին դրամը դոլարի նկատմամբ արժեզրկվել է 0.1%, սպառողական գների անկումը կազմել է 0.4%: 2017-ի օգոստոսին միջին հաշվարկային փոխարժեքը կազմել է 478,6 դրամ /դոլար, 2016-ի օգոստոսի 475.4 դրամ /դոլարի համեմատ:
Համեմատության համար նշենք, որ 2016-ի օգոստոսին, 2015-ի օգոստոսի համեմատ, գնանկումը սպառողական շուկայում կազմել էր 1.9%, ինչն ուղեկցվել էր դրամի 0,9% արժևորումով, իսկ միայն 2016-ի օգոստոսին գնանկում լազմել էր 0.5%, ուղեկցվելով դրամի 0.2% արժևորումով:
Ըստ ՀՀ Ազգային վիճակագրական ծառայության տվյալների, 2016 թ. դոլարի նկատմամբ դրամի դիրքը չի փոխվել, իսկ գնանկումը կազմել է 1.1%: Տարեկան կտրվածքով դրամի աննշան արժևորումն ուղեկցվել է 1,4% գնանկումով: Միայն 2016-ի դեկտեմբերին դրամը դոլարի նկատմամբ արժեզրկվել է 0.9%, 1.1% գնաճի պայմաններում: 2015-ին դրամի արժեզրկումը դոլարի նկատմամբ կազմել է 4.2%, ուղեկցվելով 0,1% գնանկումով, իսկ միայն դեկտեմբերին դրամն արժեզրկվել է 0,6%, 1.7% գնաճի պայմաններում:
Նշենք, որ Հայաստանի արտարժույթի մանրածախ շուկայում 2017 թվականի սեպտեմբերի 7-ի դրությամբ հայկական դրամը դոլարի նկատմամբ ձևավորվեց 478 / դոլար մակարդակում, 2016-ի դեկտեմբերի 31-ի 484 ՀՀ դրամ /դոլար մակարդակի համեմատ:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |