Արմինֆո. Հայաստանի դեղագործական շուկայում ավելի հաճախ կեղծվում են թանկարժեք դեղամիջոցները: Այս մասին այսօր կայացած մամուլի ասուլիսում հայտարարել է ՀՀ առողջապահության նախարարության Դեղերի և բժշկական տեխնոլոգիաների փորձագիտական կենտրոնի ղեկավար Հակոբ Թոփչյանը:
Նա նաև նշել է, որ վերջին ժամանակներում հաճախ կեղծվում են ճնշումն իջեցնեղ դեղամիջոցները: Ըստ Թոփչյանի, դեղամիջոցների տեղափոխման տեխնոլոգիան նույնպես ունի խնդիրներ: «Շատ հաճախ չափանիշները չեն պահպանվում, և դեղերը փչանում են», - ասել է նա: Փորձագետը նաև խորհուրդ է տվել դեղորայք գնելիս դիտել պիտակավորումը: «Հայաստանում պիտակավորվում են միայն այն դեղամիջոցները, որոնք նախնական փորձագիտություն են անցել սահմանված չափանիշներով», - նշել է Թոփչյանը:
Իր հերթին, Եվրասիական տարածաշրջանում «Սանոֆի» ընկերության անվտանգության գծով տնօրեն Յուրի Օռլովը հայտարարել է, որ վերջերս ընկերությունը ձեռք է բերել Հայաստանի հետ համագործակցության հարուստ փորձ: «Կեղծ դեղերի հետ կապված խնդիրը բավականին տարածված է, և ոչ մի երկիր չի կարող հստակ հայտարարել, որ լիովին ապահովագրել է իր շուկայում նման դեղերի ներմուծումից», - ասել է Օռլովը:
Ըստ Օռլովի, Ռուսաստանն ու Ուկրաինան հայաստանյան շուկա ներթափանցող կեղծ դեղերի հիմնական արտադրողները են: Ավելի սակավ են կեղծ դեղամիջոցներ ներմուծվում Հնդկաստանից, Չինաստանից և Պակիստանից: Օռլովը նաև նշել է, որ երբեմն դեղատներում վաճառվող որոշ դեղեր նախատեսված չեն տվյալ տարածաշրջանի համար, հետևաբար, դեղորայքի գնելից անհրաժեշտ է լինել հատկապես զգույշլ:
Օռլովը նաև հայտարարել է, որ վերջին 10 տարիներին Հայաստանում չեն հայտնաբերվել «Սանոֆի» ընկերության կեղծված դեղամիջոցներ:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |