Շաբաթ, 16 Սեպտեմբերի 2017 19:47

Արմինֆո. Հոկտեմբերի 1-ից Հայաստանի բանկային շուկայում Պրոմեթեյ Բանկի կգործի նոր անվանմամբ – Evocabank: Ռեբերդինգն իրականացվել է «Դեպի նոր իրականություն» կարգախոսի ներքո: Բանկի Խորհրդի նախագահ Էմիլ Սողոմոնյանը և միակ սեփականատեր, բանկի հիմնադիր, «Զակնեֆտգազստրոյ- Պրոմեթեյ» և «Պրոմեթեյ Սիթի» ընկերությունների հիմնադիր Վազգեն Գևորգյանն այդ մասին հայտարարել են սեպտեմբերի 15-ին կայացած գալա երեկոյի ընթացքում, որն ուղեկցվել է բանկի գովասդային դեմքի`Եվրատեսիլ-2016-ի մասնակից Իվետա Մուկուչյանի ելույթով:

Բանկի անվանափոխության ենթադրում է բանկային գործառնությունների տեղափոխում դեպի ժամանակակից բանկային տեխնոլոգիաների պլատֆորմ, բջջային բանկինգի: Նախապատրաստական ​​փուլը մեկնարկել էր դեռ անցյալ տարի, երբ հունիսին Պրոմեթեյ Բանկը ներկայացրեց Prometey Mobile բջջային հավելվբածը, որը թույլ է տալիս  բանկային գործարքներն իրականացնել սմարթֆոնների և պլանշետների միջոցով, ինչպես նաև շուրջօրյա ռեժիմով վերահսկել և կառավարել հաշիվներն աշխարհի ցանկացած վայրից: Ռեբրենդինգի մտադրությունը պայմանավորված էր Evocatouch նոր հավելվբածի ստեղծումով:

Երեկոն ներածական խոսքով բացել է Բանկի Վարչության Էմիլ Սողոմոնյանը: «Լինելով Հայաստանի առաջին գրանցված առևտրային բանկը, ավելի քան 27 տարվա գործունեության ընթացքում մենք անընդհատ արձանագրում ենք ֆինանսական բարձր արդյունքներ, ապահովելով կայուն աճ բոլոր հիմնական ցուցանիշներով: Կարևորելով անցած ճանապարհը և կուտակված փորձը, դիտելով համաշխարհային միտումները և ունենալով սեփական կանխատեսումներն ապագայի մասին, մենք ընտրեցինք զարգացման նոր ուղի»: Այնուհետև նա խոսքը փոխանցեց բանկի միակ ​​բաժնետիրոջը`Վազգեն Գևորգյանին, ով հակիրճ ներկայացրեց բանկի նոր ռազմավարությունը, որի հիմքում ընկած է անցումը ժամանակակից տեխնոլոգիաների պլատֆորմին`բջջային բանկինգին:

«Անվանափոխությամբ փոխվում է նաև բանկի ռազմավարությունը, գործելաոճը և բիզնես մոդելը: Մենք փոխում ենք մոտեցումը, մտածելակերպը, աշխարհայացքը: Այլ կերպ ասած, ձգտում ենք դուրս գալ բանկինգի ավանդական հասկացություններից, և շարունակելով բիզնեսը վարել Mobile First ձևաչափով, այսինքն, այս կամ այն պրոդուկտի մշակման ընթացքում գլխավորը պետք է լինի այդ ձևաչափի կիրառման հարմարավետությունը: Առաջին հերթին, մեր բոլոր ծառայությունները կփոխարինվեն ավելի արագ, պարզ և հարմարավետ ծառայություններով, բջջային սարքերի միջոցով, իսկ սա միայն սկիզբն է - մենք չենք պատրաստվում սահմանափակվել է միայն ֆինանսական ծառայությունների տրամադրումով: Այդ գործընթացը չի ընդհատվում է և կրում է երկարաժամկետ բնույթ: Մենք ունենք Բանկի զարգացման բոլոր նախադրյալները, նախատեսված ուղղություններով: Առաջին հերթին, ունենք բավականաչափ կապիտալ, որը գերազանցում է նորմատիվային սահմանը, երկրորդ, հստակ և լուրջ քայլեր ենք ձեռնարկում բանկային ծառայությունները թվային հարթակ տեղափոխելու ուղղությամբ, երրորդ, բանկի մասնագիտացված թիմը հստակ տեղյակ է ինչ և ինչպես անել տրամադրվող ծառայությունների առավելագույն հարմարավետությանը հասնելու համար, և ամենակարևորը, դա բանկի նկատամբ վստահությունն է, որի պահպանման և բարձրացման համար մենք անում ենք ամեն ինչ: Բանկի նոր անվանման մեջ ընկած է էվոլյուցիա բառի արմատը», - հայտարարել է Վազգեն Գևորգյանը, ներկաներին դիմելով «Իսկ դուք պատրաստ եք նոր իրողոթյանը» հարցադրումով:

Պրոմեթեյ Բանկի Վարչության նախագահի տեղակալ Կարեն Եղիազարյանը ԱրմԻնֆո-ի թղթակցի հետ զրույցում հավելել է, որ Բանկը գտնվում է անվանափոխության գործընթացում և հոկտեմբերի 1-ից կգործի Evokabank անվան տակ: «Ինչ վերաբերում է բջջային բանկինգին, ասեմ, որ այդ ձևաչափում առաջին հերթին կլինեն այնպիսի ծառայությունները, ինչպիսիք են`հաշվի բացումը, քարտի ստացման դիմումը, ավանդային հաշվի բացումը: Այնուհետև աստիճանաբար հավելվածին կմիանան պետական ​​մարմինները, որոնց գործունեության հետ կապված են որոշ բանկային պրոդուկտներ: Նոր հավելվածը ծրագիրը ունիվերսալ է, քանի որ դրանից կարող են օգտվել ինչպես ֆիզիկական, այնպես էլ իրավաբանական անձինք, տարբեր սարքերից, ցանկացած ժամի», - ասել է Կ. Եղիազարյանը:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, 2017 թվականի հուլիսի 1-ի դրությամբ, Պրոմեթեյ Բանկի Հայաստանի ֆինանսական շուկայում գործում է 1990 թվականից: Բանկի բաժնետերերն են` «Զակնեֆտեգազստրոյ-Պրոմեթեյ» ԲԲԸ - 37%, «Prometey- Սիթի» - 59,87%, Վազգեն Գևորգյանը (ՌԴ) -3.13%, ով հանդիսանում է երկու ընկերությունների հիմնադիրը: Բանկի ընդհանուր կապիտալը հուլիսի 1-ին կազմել է 30,2 մլրդ դրամ ($ 62.8 մլն, տարեկան աճը`22.2%), նորմատիվային ընդհանուր կապիտալը`32.7 մլրդ դրամ ($ 68 մլն, տարեկան աճը`44,1%), կապիտալի համարժեքությունը տարեկան կտրվածքով աճել է 33.3%, մինչև 35% (պահանջվող նորմատիվը`12%): Բանկի ակտիվները տարեկան կտրվածքով աճել են 18.7%, մինչև 97.3 մլրդ դրամ ($ 202.5 մլն), որի կառուցվածքում մոտ 54% կամ 52.1 մլրդ դրամ կազմել են վարկային ներդրումները, տարվա ընթացքում աճելով 21,2%, կորպորատիվ վարկավորման 31.6% և մանրածախ վարկավորման`15.6% աճի հաշվին: Բանկի պարտավորությունները տարեկան կտրվածքով աճել են 17,2%, մինչև 67.1 մլրդ դրամ, որի կառուցվածքում ժամկետային ավանդները (հիմնականում ֆիզիկական անձանց) կազմել են ավելի քան 42%, տարեկան բացասական 28% -ից: 2017 թվականի առաջին կիսամյակը բանկը եզրափակել է $ 1.8 մլն-ի զուտ շահույթով, ապահովելով տարեկան 2.3 անգամ աճ: Ակտիվների եկամտաբերության և կապիտալի շահութաբերության առումով բանկը առաջատար դիրքեր է զբաղեցնում`ROA- ն ընդգրկված է TOP-3-ում` 1.9%, իսկ ROE- ն` TOP-7-ում` 5.88%: (2017 թվականի հունիսի 30-ի դրությամբ ՀՀ դրամի հաշվարկային փոխարժեքը կազմել է 480.47 դր / $ 1):