Արմինֆո. ՀՀ Պետական եկամուտների կոմիտեն հաստատել է հարկերի գծով ապառք ունեցող տնտեսվարողներին տուգանքներից ազատելու կարգը: Այս մասին հոկտեմբերի 13-ին կայացած մամուլի ասուլիսում հայտարարել է ՊԵԿ Մեթոդաբանության, վարչարարության,ընթացակարգերի և սպասարկման վարչության ղեկավար Արման Պողոսյանը:
«Հասկանալով, թե ինչպիսկ պարտքային բեռ է տնտեսվարողների համար տուգանքը, մենք հանդես ենք եկել որոշ օրենսդրական փոփոխություններով», - ընդգծել է նա: Պողոսյանը նշել է, որ այն տնտեսվարող սուբյեկտները, որոնք ունեն հարկային ապառքներ, ազատվում են տույժերից, եթե հարկային մարմիններին ներկայացնեն նախկինում չհայտարարագրված հարկային պարտավորությունները: «Վճարման ենթակա է միայն պարտքի հիմնական մասը», - ասել է նա:
Մասնավորապես Պողոսյանը նշել է, որ այդ փոփոխություններից արդեն օգտվել են ֆիզիկական և իրավաբանական անձինք: Բայց նա դժվարացել է նշել այն քաղաքացիների թիվը, ովքեր արդեն ազատվել են վճարումներից: «Ծրագրի արդյունքները դեռ չեն ամփոփվել», - ասել է նա:
RUB | 4.22 | 0.06 |
USD | 387.63 | -0.37 |
EUR | 414.92 | -1.29 |
GBP | 485.04 | -1.51 |
CAD | 282.47 | -1.03 |
JPY | 25.00 | 0.27 |
CNY | 53.53 | -0.05 |
CHF | 425.22 | -0.50 |