Արմինֆո.Հայաստանը Եվրասիական զարգացման բանկի (ԵԱԶԲ) համար չօգտագործված հնարավորություններով երկիր է: Այս մասին նոյեմբերի 29-ին Մոսկվայում լրագրողների հետ զրույցում ասել է ԵԱԶԲ-ի ղեկավար Անդրեյ Բելյանինովը։
<Մեզ մոտ մշակման փուլում են գտնվում մի քանի բավական ծավալուն նախագծեր։ Ինչ վերաբերում է անմիջականորեն Հայաստանին, ապա մենք ֆինանսավորել ենք Էլեկտրական ցանցերը, դիտարկում ենք Եվրասիական գործարար կենտրոնի կառուցման խոշոր հայտը, մասնակցել ենք Զանգեզուրի մոլիբդենային կոմբինատում պարտատոմսերի տեղաբաշխմանը>, - ասել է ԵԱԶԲ ղեկավարը:
Միևնույն ժամանակ նա արձանագրել է, որ ԵԱԶԲ-ն նաեւ ֆինանսավորում է մի քանի հայկական բանկեր, որոնք իրենց հերթին վարկավորում են փոքր եւ միջին բիզնեսը: <Հավանաբար, դա փոխգործակցության մեր լուրջ ուղղությունն է։ Օրինակ՝
Ամերիաբանկի և Արդշինբանկի վարկային գծերը՝ համապատասխանաբար 30 և 10 մլն, Արարատբանկը ՝ 6 մլն, Կոնվերս Բանկը ՝ 6 մլն և այլն: Սակայն, կցանկանայի ընդգծել, որ այդ բանկերի հետ փոխգործակցությունը դրական պատմություն ունի, եւ գումարները վերադարձվում են>, - ասել է Բելյանինովը։ Նա նաեւ հիշեցրել է, որ ընդհանուր առմամբ ԵԱԶԲ-ն շուրջ 100 նախագիծ է իրականացնում բոլոր 6 երկրներում, իսկ ԵԱԶԲ-ի վարկային պորտֆելը կազմում է 4 մլրդ դոլար, սակայն մինչեւ տարեվերջ նախատեսվում է այն հասցնել 7 մլրդ դոլարի:
Որպես բանկի մշտական զարգացման վառ օրինակ՝ Բելյանինովը նշել է Fitch վարկային վարկանիշում դիրքերի բարձրացումը: Նա համոզմունք է հայտնել, որ անցած երկու տարիների ընթացքում ԵԱԶԲ-ի կողմից քիչ բան չի արվել, լուրջ արդյունքներ են ձեռք բերվել, և բանկը հարգանք է վայելում միջազգային ասպարեզում:
RUB | 4.26 | -0.01 |
USD | 387.60 | -0.49 |
EUR | 420.12 | -1.81 |
GBP | 490.31 | -1.36 |
CAD | 284.16 | -0.61 |
JPY | 24.87 | -0.22 |
CNY | 53.63 | -0.14 |
CHF | 426.22 | -3.84 |