Երկուշաբթի, 3 Մայիսի 2021 18:46

Արմինֆո.Հայաստանի մարզերում 2021 թվականի առաջին եռամսյակում կատարվել է անշարժ գույքի առքուվաճառքի  7 731 գործարք, ինչը 5% ցածր է մեկ տարվա վաղեմության ցուցանիշից, եռամսյակում 5,3% աճի դեպքում:

 

Մինչդեռ, ՀՀ անշարժ գույքի կադաստրի պետական կոմիտեի տվյալներով, Հայաստանի մարզերում կատարված գործարքների ընդհանուր թվից հաշվետու ժամանակահատվածում ամենամեծ տոկոսը, ինչպես եւ նախկինում, բաժին է ընկնում հողի առք ու վաճառքին' 4 641 գործարք (60%), տարեկան  4% անկմամբ', եռամսյակի 3% աճով: Առուվաճառքի գործարքների թվով երկրորդը մարզերում մասնավոր տներն են (16,3%), որոնց մի փոքր տարբերությամբ հետեւում են բնակարաններին առնչվող գործարքը (14,3%): Բոլորովին փոքր մաս են կազմում ավտոտնակների առք ու վաճառքին առնչվող գործարքները (3,9%), հասարակական շենքերի եւ արտադրական շինությունների առք ու վաճառքին առնչվող գործարքները, համապատասխանաբար, 3,7% եւ 1,5%:

 

Ըստ աղբյուրի, ՀՀ մարզերում իրականացվել է բնակարանների առքուվաճառքի 1 108 գործարք' տարեկան 15.7% անկումով, եռամսյակային 5.6% աճով:

 

Ընդ որում, Հայաստանի մարզերում բնակարանների միջին շուկայական արժեքը 2021թ. առաջին եռամսյակում 2020թ. նույն ժամանակահատվածի համեմատ նվազել է 4,1% - ով, եռամսյակի 0,5%  անկման դեպքում, կազմելով, միջինը, 94.9 հազար դրամ/1 քմ: Ըստ կադաստրային տվյալների, մարզերում բնակարանների ամենաբարձր գները ավանդաբար պահպանվում են Ծաղկաձոր առողջարանային քաղաքում ' 282.4 հազար  դրամ/1 քմ՝ տարեկան 0,6% միջին անկումով (եռամսյակի 0,3% անկման դեպքում): Այնուհետև հաջորդում է ք. Աբովյանը, որտեղ բնակարանների գինը գրանցվել է 190.2 հազար դրամ/1 քմ սահմաններում, տարեկան 4,2% աճով, իսկ եռամսյակային աճը ' 1,7%: Եվ առաջատարների եռյակը եզրափակում է Վաղարշապատ քաղաքը ՝ 160.5 հազար դրամ/1 քմ արժողությամբ, տարեկան 3,1 տոկոս աճով, իսկ եռամսյակի անկումը ՝ 0,1 տոկոսով։

 

Առավել ցածր գներ են գրանցվել Լոռու մարզի Թումանյան քաղաքում՝ 20.1 հազար դրամ/1 քմ (տարեկան 16.3% անկումով, եռամսյակային կտրվածքով ՝ 2.9%): Այնուհետև հաջորդում են Ճամբարակ քաղաքը (Գեղարքունիքի մարզ) ՝ 35.8 հազար դրամ/1քմ (տարեկան 20.1% անկումով և եռամսյակի 4.3% անկումով) և Ախթալան (Լոռու մարզ)՝ 36.2 հազար դրամ/1 քմ (տարեկան 8.4% անկումով, եռամսյակային 2.3% աճով):