Արմինֆո.Շահագործման է հանձնվել Իրան-Հայաստան բարձրավոլտ էլեկտրահաղորդման նոր գիծ։ Այդ մասին հաղորդել է IRNA գործակալությունը։
Ըստ աղբյուրի, էլեկտրահաղորդման գծի բացման արարողությունը տեղի է ունեցել Արևելյան Ադրբեջան նահանգում: Աղբյուրը նշում է, որ այդ նախագիծը էլեկտրաէներգիային առնչվող 2 հազար նախագծերից մեկն է: Հերիս-Մեղրի էլեկտրահաղորդման 90-կիլոմետրանոց գծով կարելի է Հայաստան արտահանել 400 կիլովատ իրանական էլեկտրաէներգիա։
Հիշեցնենք, որ 400 կիլովոլտ հզորությամբ այդ էլեկտրահաղորդման գծի շինարարությունը նախատեսվում էր ավարտել դեռ 2019-ին։ Նախագծի արժեքը կազմում է 107 մլն դոլար, որն ավելի վաղ հատկացվել էր իրանական կողմից։ Ի սկզբանե նախատեսվում էր, որ զուգահեռաբար պետք է կառուցվեր նաեւ Հայաստան-Վրաստան էլեկտրահաղորդման գիծ, ինչը հնարավորություն կտար ստեղծել "Հյուսիս-Հարավ" էներգետիկ միջանցք, սակայն երթուղու սխեմայի փոփոխությունը, տարածաշրջանում իրավիճակի զարգացումները մշտապես հետաձգում էին 326,9 մլն եվրո արժողությամբ այդ ծրագրի իրականացումը:
RUB | 4.27 | 0.02 |
USD | 388.09 | 0.57 |
EUR | 421.93 | 2.44 |
GBP | 491.67 | 3.28 |
CAD | 284.77 | 0.52 |
JPY | 25.09 | 0.21 |
CNY | 53.77 | 0.12 |
CHF | 430.06 | 2.10 |