Արմինֆո.Նախարար Վահան Քերոբյանը մասնակցել է «Շտիգեն» ընկերությունների խմբի կազմակերպած «Նորարարական ֆինանսական գործիքների դերը կանաչ բիզնեսի զարգացման գործում» խորագրով համաժողովին:
Իր ողջույնի խոսքում Վահան Քերոբյանը համառոտ անդրադարձել է ՀՀ էկոնոմիկայի նախարարության մոտեցումներին՝ ՀՀ-ում կանաչ տնտեսության զարգացման գործում մասնավոր և ինստիտուցիոնալ կապիտալի դերակատարությանը։
«Կառավարությունն ունի մշակած գործողությունների ծրագիր, որի առանցքային փաստաթղթերից է Կանաչ և կայուն տնտեսական զարգացման ռազմավարությունը, որը մշակման ավարտական փուլում է և շուտով կկարողանանք այն իրականացնել։ Բացի այս, ներկայում մշակվում է նաև կանաչ տաքսոնոմիան», - նշել է Վահան Քերոբյանը։
Նախարարության հաղորդագրության համաձայն, համաժողովի ընթացքում կայացել է նաև պանելային քննարկում, որի ընթացքում ներկայացվել են կանաչ էներգետիկայի զարգացման միտումներն աշխարհում և ՀՀ-ում, կանաչ ֆինանսավորման մարտահրավերները, ինչպես նաև կենսաթոշակային և վենչուրային ֆոնդերի դերը դրանց հաղթահարման և մասնավոր կապիտալի ներգրավման գործում։
Հիշեցնենք, որ «Շտիգենը» հիմնադրվել է 2011 թվականին՝ Հայաստանի էներգետիկ անվտանգության և անկախության մակարդակը բարձրացնելու, երկրում արտադրվող էներգիայի և մատուցվող ծառայությունների ինքնարժեքը նվազեցնելու, ինչպես նաև էկոլոգիան բարելավելու նպատակ: Ընկերությունն ապահովում է ավելի քան 150 աշխատատեղ։
RUB | 4.26 | -0.01 |
USD | 387.60 | -0.49 |
EUR | 420.12 | -1.81 |
GBP | 490.31 | -1.36 |
CAD | 284.16 | -0.61 |
JPY | 24.87 | -0.22 |
CNY | 53.63 | -0.14 |
CHF | 426.22 | -3.84 |