Արմինֆո. Էկոնոմիկայի նախարար Վահան Քերոբյանը սեպտեմբերի 3-ին Սևան քաղաքում մասնակցել է Tesvan QA Outsource Service Provider ընկերության որակի ապահովման ծառայությամբ զբաղվող նոր կենտրոնի բացմանը։
Նախարարության հաղորդագրության համաձայն, 2019 թվականից սկսած ընկերությունը որակի ապահովման ծառայություններ է մատուցում աշխարհի տարբեր երկրների իր հաճախորդներին։ Ներկայումս այն համագործակցում է 9 երկրների հետ։
Ընկերության նպատակն է նպաստել Սևանում ՏՏ ոլորտի զարգացմանը, աջակցել ոլորտով հետաքրքրված անձանց և օգնել սկսել սեփական կարիերան։ Կենտրոնն իր գոյության 4 տարիների ընթացքում ունեցել է 70 շրջանավարտ, ովքեր դարձել են թիմի մի մասնիկը։
Կենտրոնը կազմակերպում է նաև ՏՏ ոլորտի անվճար դասընթացներ մինչև 17 տարեկան պատանիների և մեծահասակների համար։
Վահան Քերոբյանի խոսքով՝ կենտրոնի ստեղծման նպատակն է զարգացնել Սևան քաղաքը և վերածել այն տեխնոքաղաքի։
Նման նախաձեռնությունները հանրապետությունում կրելու են շարունակական և համապետական բնույթ։
Նշենք, որ Tesvan QA Outsource Service Provider -ը աութսորսինգային ընկերություն է, որը մասնագիտացած է ծրագրային ապահովման փորձարկման և որակի ապահովման այլ ծառայությունների ոլորտում: Հանդիսանալով որակի ապահովման խոշորագույն աութսորսինգային ընկերություններից մեկը Հայաստանում ՝ Tesvan-ը ծրագրային ապահովման փորձարկման ծառայություններ է մատուցում միջազգային և տեղական ընկերություններին: Ընկերության պորտֆելում կան ավելի քան 40 նախագծեր բժշկության, գեմբլինգի, ֆինանսների, մարքեթինգի, կառավարման, վաճառքի, հեռահաղորդակցության, բլոկչեյնի, AR/VR և այլ ոլորտներում:
RUB | 4.29 | 0.03 |
USD | 387.97 | 0.37 |
EUR | 421.76 | 1.64 |
GBP | 492.84 | 2.53 |
CAD | 284.92 | 0.76 |
JPY | 24.91 | 0.04 |
CNY | 53.64 | 0.01 |
CHF | 426.90 | 0.68 |