Արմինֆո.Ֆրանսիական առանցային ընկերություններից մեկը՝ էներգետիկ հսկա Total Energies-ը, 650 ՄՎտ ընդհանուր հզորությամբ էլեկտրակայաններ կկառուցի Նախիջևանում: Կայաններում արտադրված էլեկտրաէներգիան կարտահանվի Թուրքիա ու Եվրոպա: Այդ մասին հաղորդել է Ռուս-հայկական համալսարանի պրոֆեսոր, Հայաստանի էներգետիկ անվտանգության ինստիտուտի ղեկավար, քաղաքագիտության դոկտոր Վահե Դավթյանը։
«Իհարկե, դա չի խանգարում Ալիևին խոսել գաղութատիրական բարդույթով տառապող Փարիզի մասին: Դա չի խանգարում նաև Փարիզին հանդես գալ պրոհայկական հռետորաբանությամբ: Խոսույթը խոսույթով, իսկ ՛՛հողի վրա՛՛ եկամտաբեր համագործակցությունից որևէ մեկը չի պատրաստվում հրաժարվել:
Ֆրանսիական էներգետիկ հսկայի ակտիվացումը Նախիջևանում պետք է դիտարկել նաև ՛՛Զանգեզուրյան միջանցքի՛՛ հնարավոր բացման հեռանկարի ներքո: Հիշեցնեմ, որ 2020 թ.-ից ի վեր Բաքուն խոստանում է Եվրոպային միջանցքով գազամուղ, ինչպես նաև էլեկտրահաղորդման գիծ անցկացնել: Բնականաբար, Ռուսաստանից էներգետիկ կախվածության նվազեցման նպատակով: Նշեմ, որ Total Energies-ի տնօրենների խորհրդում ներառված են Ֆրանսիայի ներքին ու արտաքին քաղաքականության վրա անմիջական ազդեցություն ունեցող մարդիկ», - գրել է Դավթյանը՝ «Ֆեյսբուքի» իր էջում:
Մեղրիի երթուղին (այսպես կոչված ՝ Զանգեզուրի միջանցք) Հայաստանի Սյունիքի մարզի տարածքով շուրջ 40 կմ երկարությամբ տրանսպորտային երթուղու նախագիծ է, որը տրանսպորտային կապ կապահովի Ադրբեջանի արևմտյան շրջանների և նրա էքսկլավ Նախիջևանի Ինքնավար Հանրապետության միջև ։ Տարածաշրջանում տրանսպորտային ուղիների բացումը նախատեսված էր 2020 թվականի նոյեմբերին ղարաբաղյան երկրորդ պատերազմն ավարտած պայմանավորվածություններով։ Հատկանշական է, որ Թուրքիան և Ադրբեջանը փորձում են պարտադրել այս նախագծի իրենց տեսլականը և հասնել ՀՀ Սյունիքի մարզով արտատարածքային միջանցքի։
RUB | 4.26 | -0.01 |
USD | 387.60 | -0.49 |
EUR | 420.12 | -1.81 |
GBP | 490.31 | -1.36 |
CAD | 284.16 | -0.61 |
JPY | 24.87 | -0.22 |
CNY | 53.63 | -0.14 |
CHF | 426.22 | -3.84 |