Արմինֆո.ՀՀ ՏԿԵ նախարար Գնել Սանոսյանը տեսակապով հանդիպում է ունեցել Հնդկաստանի նոր և վերականգնվող էներգիայի նախարար Ռաջ Կումար Սինգհի հետ։
ՏԿԵՆ հաղորդագրության համաձայն, նախարարը ողջունել է Ռաջ Կումար Սինգհին և ընդգծել, որ հատկապես վերջին շրջանում հայ-հնդկական հարաբերություններն արագ տեմպերով զարգանում են։
Նախարարը կարևորել է նաև օրերս Հայաստանի՝ Միջազգային արևային դաշինքին միանալու փաստը և հույս է հայտնել, որ այդ շրջանակներում ևս հարաբերությունները նույն տեմպով կզարգանան։
Հանդիպման ընթացքում քննարկվել են էներգետիկ ոլորտում երկկողմ և բազմակողմ համագործակցության վերաբերյալ հարցեր։ Նախարար Սանոսյանը կարևորել է հնդկական ընկերությունների մասնակցությունը Հայաստանի էներգետիկ ենթակառուցվածքների կառուցման, վերակառուցման, արդիականացման նախագծերում։
Կարևորվել է նաև համապատասխան մասնագիտական խմբերի փոխադարաձ այցերը Հայաստան և Հնդկաստան՝ փորձի փոխանակման և կարողությունների զարգացման նպատակով։
Հիշեցնենք, որ նոյեմբերի 16-ին ՀՀ ԱԳՆ-ում տեղի է ունեցել Հայաստանի կողմից "Միջազգային արևային դաշինք ստեղծելու մասին" շրջանակային համաձայնագրի ստորագրման պաշտոնական արարողությունը, որը ստեղծվել է Հնդկաստանի և Ֆրանսիայի համատեղ ջանքերի շնորհիվ՝ կլիմայի փոփոխության դեմ պայքարում և արևային էներգիայի ռեսուրսների լայն օգտագործման ուղղությամբ համատեղ աշխատելու ամար: ՄԱԴ-ի նպատակն է նպաստել ավելի քան 1000 ԳՎտ լրացուցիչ հզորությունների տեղադրմանը մինչև 2030 թվականը՝ նույն ժամանակահատվածում նախատեսված 100 միլիարդ դոլար ֆինանսավորմամբ: Դաշինքի կենտրոնակայանը գտնվում է Հնդկաստանում։
RUB | 4.26 | -0.01 |
USD | 387.60 | -0.49 |
EUR | 420.12 | -1.81 |
GBP | 490.31 | -1.36 |
CAD | 284.16 | -0.61 |
JPY | 24.87 | -0.22 |
CNY | 53.63 | -0.14 |
CHF | 426.22 | -3.84 |